Xoves, 02/09/2010.- A IX Liga de Pista Olímpica "Hernando Calleja" vén de rematar coa celebración do Campionato de España de Pista (27-29 de agosto). Ágora a Federación Española de Piragüismo quere facer balanzo, e por iso invita a todos os clubes participantes a que completen a envíen este cuestonario de avaliación sobre a competición. Segundo informan na Federación nacional, isto "axudará a realizar unha valoración da presente tempada, de cara a posibles modificacións no futuro".

O clube reuniu 2307 puntos, cunha distancia considerable respecto do segundo, Náutico de Sevilla, que fixo 1226 e o Piraguamadrid, 3º con 1020 puntos; As Torres quedaba en 4º posto con 993 puntos

Domingo, 29/08/2010 - O encoro de Pontillón do Castro, Verducido, acollía durante a mañá de hoxe as finais de 200 metros, que marcaron o remate do Campionato de España de Pista, que se viviu nese escenario durante os últimos tres días. O Club Kayak Tudense conseguía o ouro na clasificación por clubes desta competición, con 2307 puntos, seguido do Náutico de Sevilla (1226) e o Piraguamadrid (1020). O Clube As Torres Romería Vikinga de Catoira facíase cun meritorio cuarto lugar, con 993 puntos. (Os resultados de todas as semifinais e finais das distintas categorías atoparédelos aquí)

Durante a xornada de hoxe disputáronse as finais destas dúas distancias, e a presenza galega na gran maioría dos podios demostra o bo momento que está a vivir o noso piragüismo

Sábado, 28/08/2010.- Logo dunha primeira xornada de contrarreloxos e semifinais (a de onte, venres 27 de agosto), o Campionato de España de Pista seguía hoxe o seu curso co prato forte da fin de semana, as finais dos 500 e os 1000 metros, nas que os padexeiros galegos demostraron o seu dominio, ao estar presentes na maioría dos podios. Tanto é así que nalgunhas finais, coma a de Home Sénior C-1 houbo triplete galego, xa que mentres David Cal se facía co ouro cunha crono de 03.51,732, José Luis Bouza acadaba a prata (03:55,132) e o breoganista David Mascato conseguía o bronce (04:04,817). E non só iso, senón que, tanto Cal como Bouza, fixeron doblete, ao gañar tamén ouro e prata (respectivamente) nos 500 metros.

Ademais, no que respecta ás augas bravas, celebrarase en Monforte o Campionato Galego de Promoción Slalom  (domingo, 29 de agosto)

Venres, 27/08/2010.-  Logo da resaca deportiva que nos deixou o Mundial de Piragüismo de Poznan, esta fin de semana vivirase outra gran competición, esta vez máis preto, nas augas do encoro de Pontillón do Castro (Verducido), onde se está a celebrar o Campionato de España de Pista para as categorías sénior e xuvenil (C-1, K-1, C-2, K-2, C-4, K-4 nas distancias de 1000, 500 e 200 metros). Centos de padexeiros procedentes de sesenta clubes de toda España participarán nesta proba que comezou hoxe, venres 27, coas contra reloxos e semifinais, e que está previsto que finalice o domingo ás 12.30 horas.  

Luns, 23 de agosto de 2010.- Rematado o Campionato do Mundo de Augas Tranquilas Poznan 2010, o balanzo da participación da selección española, entre a que se atopan varios deportistas galegos, fai referencia ás 4 medallas acadadas. Con 1 ouro e 3 pratas España regresa á casa ocupando a 9ª posición do medalleiro e tras situar 4 embarcacións en diferentes postos de clasificación olímpica con miras nos JJ.OO. de Londres 2012.

Domingo, 22 de agosto de 2010.- O río Douro, ao seu paso polo Pº de los tres árboles, en Zamora, acolleu durante esta fin de semana a celebración do XV Campionato de España de Maratón. Entre os participantes contábase coa presenza de diferentes clubes galegos que regresan á casa con éxitos colleitados tras merecer subir a podium en diferentes probas.

José Luis Bouza, Subcampión en Poznan 2010 

Sábado, 21 de agosto de 2010.- A primeira medalla para España chegou esta tarde da man do galego José Luis Bouza (Kayak Tudense), canoísta que participaba na distancia de 5.000 metros e que o levou a podium como o Subcampión no Campionato do Mundo de Augas Tranquilas Poznan 2010.